‘‘กตโม จ, ภิกฺขเว, สทฺธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, สทฺธมฺโม’’ติฯ ตติยํฯ
4. สปฺปุริสธมฺมสุตฺตํ
[192] ‘‘สปฺปุริสธมฺมญฺจ โว, ภิกฺขเว, เทเสสฺสามิ อสปฺปุริสธมฺมญฺจฯ ตํ สุณาถ…เป.… กตโม จ, ภิกฺขเว, อสปฺปุริสธมฺโม? ปาณาติปาโต…เป.… มิจฺฉาทิฏฺฐิ – อยํ วุจฺจติ, ภิกฺขเว, อสปฺปุริสธมฺโมฯ
‘‘กตโม จ, ภิกฺขเว, สปฺปุริสธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, สปฺปุริสธมฺโม’’ติฯ จตุตฺถํฯ
5. อุปฺปาเทตพฺพธมฺมสุตฺตํ
[193] ‘‘อุปฺปาเทตพฺพญฺจ โว, ภิกฺขเว, ธมฺมํ เทเสสฺสามิ น อุปฺปาเทตพฺพญฺจฯ ตํ สุณาถ…เป.… กตโม จ, ภิกฺขเว, น อุปฺปาเทตพฺโพ ธมฺโม? ปาณาติปาโต…เป.… มิจฺฉาทิฏฺฐิ – อยํ วุจฺจติ, ภิกฺขเว, น อุปฺปาเทตพฺโพ ธมฺโมฯ
‘‘กตโม จ, ภิกฺขเว, อุปฺปาเทตพฺโพ ธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, อุปฺปาเทตพฺโพ ธมฺโม’’ติฯ ปญฺจมํฯ
6. อาเสวิตพฺพธมฺมสุตฺตํ
[194] ‘‘อาเสวิตพฺพญฺจ โว, ภิกฺขเว, ธมฺมํ เทเสสฺสามิ นาเสวิตพฺพญฺจฯ ตํ สุณาถ…เป.… กตโม จ, ภิกฺขเว, นาเสวิตพฺโพ ธมฺโม? ปาณาติปาโต…เป.… มิจฺฉาทิฏฺฐิ – อยํ วุจฺจติ, ภิกฺขเว, นาเสวิตพฺโพ ธมฺโมฯ
‘‘กตโม จ, ภิกฺขเว, อาเสวิตพฺโพ ธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, อาเสวิตพฺโพ ธมฺโม’’ติฯ ฉฏฺฐํฯ
7. ภาเวตพฺพธมฺมสุตฺตํ
[195] ‘‘ภาเวตพฺพญฺจ โว, ภิกฺขเว, ธมฺมํ เทเสสฺสามิ น ภาเวตพฺพญฺจฯ ตํ สุณาถ…เป.… กตโม จ, ภิกฺขเว, น ภาเวตพฺโพ ธมฺโม? ปาณาติปาโต …เป.… มิจฺฉาทิฏฺฐิ – อยํ วุจฺจติ, ภิกฺขเว, น ภาเวตพฺโพ ธมฺโมฯ
‘‘กตโม จ, ภิกฺขเว, ภาเวตพฺโพ ธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, ภาเวตพฺโพ ธมฺโม’’ติฯ สตฺตมํฯ
8. พหุลีกาตพฺพสุตฺตํ
[196] ‘‘พหุลีกาตพฺพญฺจ โว, ภิกฺขเว, ธมฺมํ เทเสสฺสามิ น พหุลีกาตพฺพญฺจฯ ตํ สุณาถ…เป.… กตโม จ, ภิกฺขเว, น พหุลีกาตพฺโพ ธมฺโม? ปาณาติปาโต…เป.… มิจฺฉาทิฏฺฐิ – อยํ วุจฺจติ, ภิกฺขเว, น พหุลีกาตพฺโพ ธมฺโมฯ
‘‘กตโม จ, ภิกฺขเว, พหุลีกาตพฺโพ ธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, พหุลีกาตพฺโพ ธมฺโม’’ติฯ อฏฺฐมํฯ
9. อนุสฺสริตพฺพสุตฺตํ
[197] ‘‘อนุสฺสริตพฺพญฺจ โว, ภิกฺขเว, ธมฺมํ เทเสสฺสามิ นานุสฺสริตพฺพญฺจฯ ตํ สุณาถ…เป.… กตโม จ, ภิกฺขเว, นานุสฺสริตพฺโพ ธมฺโม? ปาณาติปาโต…เป.… มิจฺฉาทิฏฺฐิ – อยํ วุจฺจติ, ภิกฺขเว, นานุสฺสริตพฺโพ ธมฺโมฯ
‘‘กตโม จ, ภิกฺขเว, อนุสฺสริตพฺโพ ธมฺโม? ปาณาติปาตา เวรมณี…เป.… สมฺมาทิฏฺฐิ – อยํ วุจฺจติ, ภิกฺขเว, อนุสฺสริตพฺโพ ธมฺโม’’ติฯ นวมํฯ
10. สจฺฉิกาตพฺพสุตฺตํ
[198] ‘‘สจฺฉิกาตพฺพญฺจ โว, ภิกฺขเว, ธมฺมํ เทเสสฺสามิ น สจฺฉิกาตพฺพญฺจฯ ตํ สุณาถ…เป.… กตโม จ, ภิกฺขเว, น สจฺฉิกาตพฺโพ ธมฺโม? ปาณาติปาโต…เป.… มิจฺฉาทิฏฺฐิ – อยํ วุจฺจติ, ภิกฺขเว, น สจฺฉิกาตพฺโพ ธมฺโมฯ